Af erlendum uppruna

Hvers vegna finnst fréttamönnum þeir alltaf þurfa að láta það koma skýrt og skilmerkilega fram ef gerandi í ofbelisbroti er af erlendum uppruna??  Oftar en ekki eru fréttirnar skrifaðar þannig að það virðist vera aðalmálið að gerandinn er af erlendum uppruna.  Hvers vegna er það er mér spurn?? Er það kannski einhver leið til að fríja íslenska karlmenn af slíkum verknuðum??  Er óbeint verið að gefa það í skin að íslenskir karlmenn geri ekki svona??  

Persónulega finnst mér engu %#/% máli skipta hverrar þjóðar gerandinn eða gerendurnir eru.  Verknaðurinn er nákvæmlega sá sami hverra þjóðar gerandinn er.  Það á að fjalla um verknaðinn og afleiðingar hans í stað þess að fréttin fjalli að stórum hluta um uppruna gerandans.  

Verknaðurinn (ofbeldi í hvers kyns mynd) er ávallt jafn svívirðilegur sama hverrar þjóðar sá sem framkvæmir hann er og sama hverra þjóðar sá sem fyrir honum verður er.  Það að benda alltaf á að gerandinn sé af erlendum uppruna er í mínum huga næstum jafn slæmt (þar sem í raun er verið að segja að íslenskir kk geri síður svona en erlendir) og dómur einn sem mikið var fjallað um í Svíþjóð á sínum tíma.  Nauðgunardómur var styttur um nær helming - ástæðan??  Jú nauðgunin tók ekki svo langan tíma!!!!!

Hvers vegna benda blaðamenn ekki jafn sterklega á að gerandinn sé íslenskur í þeim tilfellum sem slíkt er??? 

Athugasemdir

[Agnar Guðmundsson (IP-tala skráð) 30.10.2007 kl. 13:25]

Er ekki málið í fréttinni að vegna þess að grunaðir gerendur skilja ekki íslensku, þess vegna þurfi túlka, og það tefji rannsóknina? Ég las þetta þannig og get ekki ímyndað mér hvernig þér tókst að sjá þetta út úr fréttini sem þú lýsir.

[Predikarinn - Cacoethes scribendi , 30.10.2007 kl. 13:26]

Sæl D'isa D'ora.

Sammála þér. Ef eitthvert samræmi ætti að vera í málunum gætium við verið að lesa eitthvað á þessa leið :

"Konu á þrítugsaldri var nauðgað í skuggalegu húsasundi við Laugaveginn í nótt. Meintur ofbeldismaður, af Hafnfirsku bergi brotinn, hefur verið handsamaður og er nú verið að yfirheyra hann hjá rannsóknardeild kynferðisbrota hjá Ríkislögreglustjóranum."

Eðlilegast er vitaskuyld, eins og þú nefnir, að sleppa öllu um uppruna ofbeldismanns yfirleitt. Það kemur heldur ekki málinu við. Það reyndar getur alið á fordómum að vewra ávallt að tönnlast á hvaðan viðkomandi er, hvort sem um Syðisfjörð eða Súdan er að ræða.

[Einar Jón, 30.10.2007 kl. 13:35]

Er þetta ekki gamla, góða smábæjarsyndrómið? Við erum bara of dönnuð til að gera svona lagað, svo að utanaðkomandi hljóta að hafa gert þetta...

Dagur (Akureyrardagblaðið) sagði áratugum saman í fréttum af ólátum í miðbænum á Akureyri að um "utanbæjarmenn hefði verið að ræða", hvort sem það var satt eða ekki.

[Dísa Dóra, 30.10.2007 kl. 13:44]

Agnar- ég er hér ekki einungis að tala um þessa frétt heldur virðist lenskan vera sú að taka það skýrt fram ef nauðgunarbrot eða annað ofbeldisbrot hefur verið framið af einstaklingi af erlendum uppruna.  Hví þarf að taka það fram??  Er ekki brotið það sama hvort sem gerandinn er íslendingur, svíi, pólskur eða annað?  Ég sé heldur ekki að það sé nauðsynlegt í þessari frétt að það þurfi að koma fram að lögreglan þurfi að nota túlka - er ekki bara nóg að tala um viðamilka rannsókn??

Predikarinn - einmitt 

Viðar Helgi - en eru brotin í flestum tilfellum framin af erlendum ríkisborgurum??  Gæti ekki bara verið að einmitt fréttamennskan hafi valdið því að þau brot sem framin eru af þeim sem eru af erlendum uppruna eru þau sem fjallað er nánar um og því standa eftir í huga okkar??  

Eru íslenskar stúlkur eitthvað síður áreittar af íslenskum karlmönnum??  Er það ekki bara svo að það er svo mikið auðveldara að benda á útlendingana og muna eftir sérkennum þeirra?

Vissulega hafa síbrotamenn ekkert inn í landið að gera - þar er ég sammála þér.  En ég tel þó að sem betur fer eru þeir útlendingar sem hingað koma í langflestum tilfellum bara venjulegt fólk

[Dísa Dóra, 30.10.2007 kl. 13:47]

Jón Frímann - já ég held einmitt að það sé bara auðveldara að benda á þá sem eru af erlendum uppruna en hversu rétt það er er allt önnur saga.

Einar Jón - mjög góður punktur hjá þér.  Við erum svo gjörn á að benda á utanbæjarmennina og núna þegar fólksmergðin er orðin svo mikil að við þekkjum jafnvel ekki utanbæjarmanninn frá nágrannanum er svo auðvelt að benda á útlendingana í staðin. 

[Elías Halldór Ágústsson, 30.10.2007 kl. 13:48]

Ég hef líka heyrt að reykvískar stúlkur séu hvað eftir annað áreittar í miðbænum af hópum garðbæinga og að tilraunir til hópnauðgana séu að færast í aukana.

Reykjavík fyrir Reykvíkinga!

[Hrönn Sigurðardóttir, 30.10.2007 kl. 19:06]

Ég held að þarna sé smábæjarsyndromið ríkjandi!! Man svo vel þegar "okkar maður á staðnum" spurði luuuuuuugregluna einhverju sinni út í eitthvað sem ég man ekki lengur hvað var og klikkti svo út með að enda á: "voru þetta utanbæjarmenn.........?"

!! Fólk !!

[Steinunn Helga Sigurðardóttir, 1.11.2007 kl. 09:01]

ég er svo hjartanlega sammála þér. þetta er líka lenska hérna í dk. en heyra samt oftar og aftar að það er líka tekið fram að afbrotamenn hafi verið danskir ! ég er líka sammála þér hrönn, ég er frá vík í mýrdal, og við höfðum sama hátt á, bara ef menn voru frá kirkjubæjarklaustri, jedúddamía. 

mottó.

ein jörð, eitt mannkyn, ein trú, einn kærleikur, það er sennilega langt í land, en þetta kemur.

hafðu fallegan dag í dag.

AlheimsLjós til þín

steina

[Dísa Dóra, 1.11.2007 kl. 18:07]

Já sennilega er þetta smábæjarsyndrómið að einhverju leiti.  Þetta er einnig ein leið til að fríja íslenska karlmenn af svona gernaði tel ég. 

MJÖG oft hef ég séð mikinn léttir í svip þeirra sem ég ræði við um mína sögu þegar viðkomandi heyrir að lengst af bjuggum við í Svíþjóð.  Þar með er sett samansemmerki á að hann hafi ekki verið íslendingur og oftar en ekki fylgir spurningin (sögð með létti í rómnum)  ahhhh hann er þá ekki íslendingur??  En hvert ætli svarið sé??  Er svo garanterað að hann sé svíi þrátt fyrir að við höfum lengst af búið þar??  

Ég held þetta sé frekar ósjálfráð viðbrögð fólks að fyrra íslendinga sök eða já bara smábæjarsyndrómið - líka svona svipað og við teljum alltaf nær ómögulegt að fjölskyldumeðlimur geti verið ofbeldismaður.