Guðrún Ebba

Nú get ég ekki orða bundist.  Viðtal Þórhalls við Guðrúnu Ebbu Ólafsdóttur hreyfði svo sannarlega við mér í gær.  Þar sýndi hún svo sannarlega styrk sinn og sagði á einlægan hátt frá atburðum sem ekkert barn eða kona ætti að þurfa að upplifa.  Hún sýndi þjóðinni að ofbeldi spyr ekki um stétt eða stöðu og hver sem er getur verið beittur því, eða beitt því ef við horfum á það frá þeirri hliðinni.

Í viðtalinu talar hún um að hún komi fram með sögu sína í þeirri von að hægt sé að læra af henni og gera þannig hennar reynslu að einhverju sem hægt er að nota til góðra verka.  Ég hvet alla til að taka þessi orð hennar með inn í framtíðina og einnig hvet ég ykkur til að leggja ykkar á vogaskálarnar til að uppræta ofbeldi í hvaða mynd sem er.  Til þess þarf til dæmis að hætta að hylja þau með hulu þagnarinnar.  Þannig halda gerendurinir áfram að treysta á að þeir geti falið sig í skjóli þagnarinnar og skammarinnar.  Skömmin þarf að fara 100% þangað sem hún á heima þ.e. til ofbeldismannsins sjálfs.  En til þess að hula þagnarinnar hverfi þurfa ALLIR að vera meðvitaðir um það.  

Eins og Guðrún Ebba talaði um þá er mun auðveldara að hugsa sem svo að þolandinn sé nú bara eitthvað veikur á geði, ruglaður eða hvaða orð önnur við kjósum að nota.  Það er oftar en ekki auðveldara en að horfast í augu við slíka glæpi sem ofbeldisglæpir eru.  Auðveldara en að horfast í augu við að kannski hafi maður sjálfur misst af táknum um að ehv. væri að - táknum sem við oft kjósum að sjá ekki vegna þess að það er sárt og erfitt. 

Hugsið ykkur þá hve sárt og erfitt það er fyrir barnið sem er fast í aðstæðunum!!  Jafnvel fast þar alla sína barnæsku vegna þess að táknin sem eru til staðar "sjást" ekki vegna þess að við ómeðvitað eða meðvitað kjósum að sjá þau ekki.

Þessu þarf að breyta!!  En þetta breytist ekki nema einmitt ÞÚ ákveðir að kynna þér hver tákning gætu verið og ákveðir að hafa augun opin fyrir slíku.  Eins að ef þú sérð einhver tákn um slíkt þá á að láta viðkomandi barnaverndarnefnd vita strax.  Ekki hugsa sem svo að þú sért ekki viss og viljir því ekki tilkynna.  Staðreyndin er sú að maður getur aldrei verið viss nema bókstaflega hafa orðið vitni af ofbeldinu sjálfu - og það gerist örsjaldan.  Með því að kjósa að tilkynna ekki grun ertu að taka afstöðu með ofbeldismanninum!  Við eigum alls ekki að gera það heldur að taka afstöðu með BARNINU og því tilkynna strax ef minnsti grunur vaknar. 

Það er síðan barnaverndanefndarinnar að kanna hvort grunurinn er á rökum reistur.  

Ég hvet alla til að mæta á málþingið: kynferðisleg misnotkun á börnum í trúarlegu samhengi.

Hvet ykkur til að frá og með þessari stundu ákveða að taka afstöðu með barninu/þolandanum og kynna ykkur hvaða táknum þið getið verið vakandi fyrir sem og að tilkynna strax ef grunur vakna um ofbeldi.

Við Guðrúnu Ebbu vil ég segja:  Þú hefur lengi verið ein af mínum sterku fyrirmyndum og ég er gríðarlega stolt af því að starfa með þér hjá Drekaslóð og hafa fengið að kynnast þér sem persónu.  Þú ert ein af HETJUNUM mínum og sýndir svo sannarlega styrk þinn í viðtalinu í gær.  Í mínum huga er aðeins ein sem kemur til greina sem kona ársins í ár - og sú kona ert þú  

 

Áskorun til stjórnvalda

Hvet alla til að skrifa undir þessa áskorun til stjórnvalda.  Teku aðeins örfáar sekúndur en gæti skipt sköpum fyrir börn sem virkilega þurfa á því að halda.

Drekaslóð

Ný samtök fyrir þolendur ofbeldis litu ljós föstudaginn 3. september 2010.

Samtökin heita Drekaslóð. Heimasíðu samtakanna má finna HÉRNA!

Hér má gerast meðlimur Drekaslóðar á fésbókinni.

 

Drekaslóð veitir þolendum alls kyns ofbeldis  og aðstandendum þeirra aðstoð til að vinna með afleiðingar ofbeldisins í formi viðtala, námskeiða og hópastarfs.

Við bjóðum velkomna til okkar þolendur eineltis, kynferðislegs ofbeldis, þolendur ofbeldis í parasamböndum eða innan fjölskyldna, hvort sem ofbeldið er andlegt eða líkamlegt.  Einnig þolendur ofbeldis framið af ókunnugum. 

Við leggjum áherslu á að ná til karlmanna í auknum mæli, við viljum reyna grípa unga fólkið okkar eins fljótt og hægt er og einnig munum við bæta þjónustu til heyrnarskertra og geðfatlaðra.  

Við bjóðum bæði upp á grunnþjónustu í formi einstaklingsviðtala og grunnhópa og einnig bjóðum við upp á fjölbreytta framhaldsvinnu sem oft er sérsniðin fyrir hvern hóp fyrir sig. 

Við byggjum á hjálp til sjálfshjálpar.

 

Hér má sjá Drekana í Drekaslóð í opnunarteitinu á föstudaginn var

 

Reykjavíkurmaraþonið

Vil endilega benda ykkur á að styrkja samtökin Drekaslóð sem eru ný samtök sem aðstoða þolendur ofbeldis.  Þá er átt við þolendur andlegs-, líkamlegs- (heimilis-) og kynferðisofbeldis ásamt þolendum eineltis.  Eða eins og sagt er um samtökin HÉR! 

"Drekaslóð veitir þolendum alls kyns ofbeldis og aðstandendum þeirra aðstoð ti að vinna með sínar afleiðingar í formi viðtala, námsekiða og hópastarfs. Við bjóðum velkomna til okkar þolendur eineltis, kynferðislegs ofbeldis, þolendur ofbeldis í parasamböndum eða innan fjölskyldna, hvort sem ofbeldið er andlegt eða líkamlegt.  Einnig þolendur ofbeldis framið af ókunnugum.  Við leggjum áherslu á að ná til karlmanna í auknum mæli, við viljum reyna grípa unga fólkið okkar eins fljótt og hægt er og einnig munum við bæta þjónustu til heyrnarskertra og geðfatlaðra.   Við bjóðum bæði upp á grunnþjónustu í formi einstaklingsviðtala og grunnhópa og einnig bjóðum við uppa á fjölbreytta framhaldsvinnu sem oft er sérsniðin fyrir hvern hóp fyrir sig.  Við byggjum á hjálp til sjálfshjálpar."

 

Einnig væri frábært ef að fleiri vildu skrá sig í nafni samtakanna og þannig hlaupa fyrir þau

Endilega deildið þessu sem víðast.

Tja

Sá nú 2 álftir fljúga yfir í Grafningi á sunnudag svo þær hafa verið þær fyrstu :)

Farfuglar að byrja að koma

Kveðja

Ég kveð ykkur með söknuði.  Fyrsta færslan var skrifuð þann 16. sept. 2007 og urðu þær 276 samtals fyrir utan þessa.

Hafið það gott kæru vinir.

Dagur án ofbeldis 2. október

2. október Dagur án ofbeldis.  Taktu þér stöðu með blys í hönd og vertu með í að mynda mannlegt friðarmerki á Miklatúni kl 20.00 þann 2 okt.

Ofbeldi er grundvallarvandamál okkar tíma.  Það er ekki aðeins líkamlegt og birtist í stríði og barsmíðum - það birtist einnig sem efnahagslegt ofbeldi, sálrænt, trúarlegt, kynferðislegt og kynþáttabundið ofbeldi.

Hvet alla til að mæta og taka afstöðu gegn ofbeldi

Gandhi, King og Ikeda

Hvet alla sem eru norðan heiða og/eða eiga leið um Akureyri þann 29. ágúst og vikuna þar á eftir til að sjá þessa sýningu.  Góð sýning um þrjá meistara friðar   Nánari upplýsingar er hægt að nágast HÉR!

Ég ætla mér að vera í útilegu þann 27. júlí - helst á norðurlandi

Ástæðan - tja það sem ég las í Dagskránni okkar sunnlendinga í dag er ástæðan

Lára Ólafsdóttir, miðill á Selfossi.
Lét Veðurstofuna vita af Suðurlandsskjálftanum 2008 með 10 daga fyrirvara

Lára Ólafsdóttir, miðill á Selfossi lét jarðfræðinga á Veðurstofu Íslands vita með 10
daga fyrirvara að Suðurlandsskjálftinn myndi verða fimmtudaginn 29. maí 2008. Þetta
staðfesti hún við blaðið. Hún segist líka hafa séð skjálftana fyrirfram sem urðu 17. júní 2000
á Suðurlandi og látið Veðurstofuna líka vita af þeim.

Annar skjálfti í lok júlí
Lára segist vera búin að fá skilaboð um að það verði stór skjálfti við Krísuvík í lok júlí
núna í sumar. Hún er búin að láta Veðurstofuna vita af því.
„Já, það er rétt, Lára hefur verið í sambandi við okkur og látið vita þegar hún finnur
eitthvað á sér varðandi jarðhræringar. Ég get þó ekki staðfest að hún hafi látið okkur
vita með 10 daga fyrirvara fyrir skjálftann 29. maí á síðasta ári en það getur vel verið að hún
hafi hringt á Veðurstofuna og látið vita þó ég og mitt fólk vitum ekki af því. Núna er hún
að tala um stóran skjálfta 27. júlí við Krísuvík en við getum að sjálfsögðu ekki gefið út neina
viðvörun eða neitt slíkt vegna þess, við tökum svona upplýsingum hæfilega alvarlega. Við
hlustum hins vegar á hvað hún hefur fram að færa eins og aðra miðla sem hafa samband við
okkur og punktum það niður hjá okkur en getum ekki gert meira“, sagði Steinunn S. Jakobsdóttir,
jarðeðlisfræðingur hjá Veðurstofunni í samtali við blaðið.
Blaðið hafði einnig samband við Ragnar Stefánsson, jarðskjálftasérfræðing til að bera orð
Láru undir hann. „Já, ég kannast vel við Láru, hún hefur oft spjallað við mig í síma. Ég
hlusta alltaf á fólk eins og Láru en það er algjörlega ómögulegt að segja til um hvenær stórir
skjálftar verða eins og við Krísuvík, það gæti gerst á morgun eða eftir 10 ár“, sagði
Ragnar.

MHH

Tekið af vef prentmets:  http://www.prentmet.is/media/files/1997.pdf

Nóg að gera á þessum bæ

Já mér leiðist svo sannarlega ekki og hef nóg að gera.  Það er mikið fjör hjá skottunni minni þessa dagana og hún sofnar yfirleitt örþreytt klukkan 20 og steinsefur alla nóttina.  Er svo á fullu allan daginn að bralla á leikskólanum, hér úti til dæmis að hoppa og skoppa á trampólíni og hjóla og margt margt fleira.  Svo er stubbur á fullu líka og er farinn að reisa sig upp við flest allt og mikið að uppgötva og baksa - enda er hann ekta strákur yfirleitt, skítugur upp fyrir haus og með kúlu á hausnum

Já ekki leiðinlegt líf

Að slást við mömmu sína.

Okkur finnst þetta nú ekkert leiðinlegt hehe

  Hún komst á risatrampólín á fjölskylduhátíð við Apavatn um helgina

Það var sko ekki leiðinlegt - ó nei

það þarf nú ekkert mikið til að gera lífið skemmtilegt

  Lítill montrass að standa upp í rúminu sínu

Alsæl dama í útilegu

Hafið það gott bloggvinir kærir og ekki búast við allt of mörgum færslum hér í sumar - sumarið er tíminn fyrir útiveruna og gleðina í því