Ég ætla mér að vera í útilegu þann 27. júlí - helst á norðurlandi

Ástæðan - tja það sem ég las í Dagskránni okkar sunnlendinga í dag er ástæðan

Lára Ólafsdóttir, miðill á Selfossi.
Lét Veðurstofuna vita af Suðurlandsskjálftanum 2008 með 10 daga fyrirvara

Lára Ólafsdóttir, miðill á Selfossi lét jarðfræðinga á Veðurstofu Íslands vita með 10
daga fyrirvara að Suðurlandsskjálftinn myndi verða fimmtudaginn 29. maí 2008. Þetta
staðfesti hún við blaðið. Hún segist líka hafa séð skjálftana fyrirfram sem urðu 17. júní 2000
á Suðurlandi og látið Veðurstofuna líka vita af þeim.

Annar skjálfti í lok júlí
Lára segist vera búin að fá skilaboð um að það verði stór skjálfti við Krísuvík í lok júlí
núna í sumar. Hún er búin að láta Veðurstofuna vita af því.
„Já, það er rétt, Lára hefur verið í sambandi við okkur og látið vita þegar hún finnur
eitthvað á sér varðandi jarðhræringar. Ég get þó ekki staðfest að hún hafi látið okkur
vita með 10 daga fyrirvara fyrir skjálftann 29. maí á síðasta ári en það getur vel verið að hún
hafi hringt á Veðurstofuna og látið vita þó ég og mitt fólk vitum ekki af því. Núna er hún
að tala um stóran skjálfta 27. júlí við Krísuvík en við getum að sjálfsögðu ekki gefið út neina
viðvörun eða neitt slíkt vegna þess, við tökum svona upplýsingum hæfilega alvarlega. Við
hlustum hins vegar á hvað hún hefur fram að færa eins og aðra miðla sem hafa samband við
okkur og punktum það niður hjá okkur en getum ekki gert meira“, sagði Steinunn S. Jakobsdóttir,
jarðeðlisfræðingur hjá Veðurstofunni í samtali við blaðið.
Blaðið hafði einnig samband við Ragnar Stefánsson, jarðskjálftasérfræðing til að bera orð
Láru undir hann. „Já, ég kannast vel við Láru, hún hefur oft spjallað við mig í síma. Ég
hlusta alltaf á fólk eins og Láru en það er algjörlega ómögulegt að segja til um hvenær stórir
skjálftar verða eins og við Krísuvík, það gæti gerst á morgun eða eftir 10 ár“, sagði
Ragnar.

MHH

Tekið af vef prentmets:  http://www.prentmet.is/media/files/1997.pdf

Athugasemdir

[Óskar Helgi Helgason (IP-tala skráð) 2.7.2009 kl. 23:51]

Heil og sæl; Dísa Dóra!

Það litla; sem ég þekki, til þeirra hjóna, Láru og Sigurðar, er gott eitt, og hefði hún enga ástæðu til, að fara með nein skrök, í þessum efnum.

Sjálfur; bý ég, í Hveragerðis og Kotstrandar sóknum, og skal það viðurkennt, af eindrægni, að þessi pláss : Selfoss - Hvaragerði og Eyrarbakki, eru; og munu verða til vandræða, jarðfræðilega - í bráð og lengd.

Öruggustu landshlutarnir; til búsetu, frá þessarri hvimleiðu vá, sem gos og skjálftar eru; eru Vesturland - Vestfirðir og Norð- vesturland, þó ýmsir meinbaugir kunni að fylgja, sums staðar, varðandi skriðuföll snævar og vatns, að þá ættu Sunnlendingar og Reyknesingar, að hyggja að þeim slóðum, til lengri framtíðar litið.

Með beztu kveðjum /

Óskar Helgi Helgason 

[, 3.7.2009 kl. 00:04]

 Þá er best að skjótast austar t.d. á Hornafjörð    - er akkúrat í fríi þann dag

[Dísa Dóra, 3.7.2009 kl. 07:38]

Óskar - vissulega erum við að jarðskjálftasvæði og er þá ekki um að gera að nýta sér þegar maður fær svona góða viðvörun?   Ég persónulega tek allavega meira mark á Láru en veðurstofunni hvað þetta varðar.  Þeir viðurkenndu nú eftir síðasta skjálfta til dæmis að þeir hefðu nú séð að allt benti á skjálfta en ekki datt þeim í hug að segja okkur græna almúganum af því

Dagný - gæti barasta verið góð hugmynd

[Jenný Anna Baldursdóttir, 7.7.2009 kl. 16:18]

Svei mér þá ef ég pakka ekki niður bara.

[Linda Linnet Hilmarsdóttir, 15.7.2009 kl. 00:51]

Knús og kossar og ljúfur faðmur....:O)

[Gunnar Páll Gunnarsson, 26.7.2009 kl. 10:57]

Góða ferð norður í rólegheitin. Ég held mér bara hérna í DK og anda rólega