Nú missti ég endanlega trúnna

á íslenska dómskerfið.  Jahérna þvílíkur dómur.  Ég spyr hví þessi dómur er eins og hann er?  Hví eru skaðabæturnar í þessu máli svona gífurlegar eins og raun ber vitni?  Hvers vegna eru skaðabæturnar í slíku tilfelli svona háar þegar skaðabætur í nauðgunar og ofbeldismálum er næstum klapp á bakið fyrir gerandann?

Úff já það eru svo sannarlega margar spurningar sem vakna upp hjá mér við lestur þessarar fréttar.  Ég get ekki annað en borið saman þennan dóm við þá dóma sem eru svo algengir í nauðgunar og ofbeldismálum.  

Þarna er verið að dæma fyrir þann skaða sem 11 ára gömul stúlka veitti kennara sínum.  Vissulega er ég ekki að gera lítið úr þeim skaða - bara alls ekki.  Í raun ætti svo sannarlega að meta skaða á heilsu einstaklinga svo hátt ó já.  En það ætti þá líka að meta þann skaða sem þolandi ofbeldis verður fyrir svo hátt.

Þarna er um að ræða barn sem veldur skaðanum.  Mér finnst mjög ósennilegt að barnið hafi ætlað sér í raun að skaða kennarann og held að þessi verknaður hafi frekar verið vanhugsuð athöfn barns sem enga grein gerði sér fyrir afleiðingum gjörða sinna.  Finnst nú frekar ósennilegt að þetta barn hafi ætlað sér að skaða.  Barnið framkvæmdi slíka athöfn einu sinni. En raunin varð samt sem áður sú og því eru bæturnar svo háár.

Í ofbeldismálum er í flestum tilfellum um að ræða fullorðna gerendur sem beita börn og fullorðna ofbeldi.  Fullorðna gerendur sem vissulega gera sér grein fyrir því að slíkar gjörðir geta skaðað (og skaða) og það alvarlega.  Fullorðnir gerendur sem gera sér grein fyrir því að þeir eru að brjóta lög með gjörðum sínum (þó að vissulega í mörgum tilfellum telji þeir sér trú um að þeir séu hafnir yfir lög).  Fullorðnir einstaklingar sem hafa einbeittan brotavilja og ætla sér virkilega að meiða með orðum sínum og gjörðum í mörgum tilfellum.  Fullorðnir einstaklingar sem hafa jafnvel notað ofbeldi mjög oft þó að þeir hafi ekki verið kærðir áður.  Skaðinn getur verið mjög alvarlegur fyrir þolandann bæði andlega og líkamlega.  Svo alvarlegur að hann veldur allt of oft slíkum heilsubrestum að þolandinn situr uppi með örorku.  En hve hátt er lífið metið í þeim tilfellum??  Ef skaðabætur eru yfirhöfuð dæmdar eru þær kannski 150.000 kr fyrir ofbeldisbrot og jafnvel hálf miljón fyrir alvarlega nauðgun.

Hví eru líf þolenda ofbeldis ekki metin hærra en þetta???????????  

Hvað er eiginlega að í íslensku réttarkerfi??????

 

Dæmd til að greiða kennara 10 milljónir í bætur

Athugasemdir

[Sporðdrekinn, 14.3.2008 kl. 16:36]

Þetta er alveg óskiljanlegur dómur

[Gunnar Helgi Eysteinsson, 14.3.2008 kl. 17:06]

Það væri áhugavert ef einhver gæti skýrt þennan dóm fyrir mér...

[Anna Einarsdóttir, 14.3.2008 kl. 17:58]

Það er eins og það skipti ekki nokkru máli hvort brotavilji sé til staðar eða ekki.  Eins og þú nefnir réttilega, eru nauðgarar og ofbeldismenn með einbeittan brotavilja.... eitthvað sem maður getur ekki ætlað 11 ára gömlu barni.  Ég hélt líka í einfeldni minni að svo ung börn væri ekki hægt að kæra.  Hvað ef barn drepur  mann fyrir slysni ?  Eiga þá foreldrarnir að borga margfalda þessa upphæð ??? 

Nei, ég á ekki orð yfir þessu.

[Birna Dis Vilbertsdóttir (IP-tala skráð) 14.3.2008 kl. 18:06]

Þetta er furðulegur dómur.Ég hélt að atvikið hefði verið slys en ekki ásetningur.Ein dómaravitleysan enn

[Óskar Þorkelsson, 14.3.2008 kl. 19:52]

100 kall og skilorð fyrir nauðgun..

10 milljónir vegna slyss af völdum 11 ára stúlku sem gengur ekki heil til skógar og var í miklu uppnámi..

Húrra fyrir gersamlega óhæfu íslensku réttarkerfi.

[Óskar Arnórsson, 14.3.2008 kl. 21:33]

Fólk ætti að mótmæla þessu með því að láta engin af sínum börnum fara í skólan í svona eina viku og sjá hvað myndi ske...

[Huld S. Ringsted, 14.3.2008 kl. 22:54]

Ég held að fæstir geti orðið skilið þetta dómskerfi en svona á heildina er litið þá vinnur það á móti börnum: börn eru misnotuð=lítill dómur, lág bótaupphæð. Börn slasa óviljandi=dæmd há sekt hver á að geta skilið svona. Fyrir utan það að barn með Asperger skilur ekki orsök og afleiðingu og þarna varð barnið fyrir einelti og á því var ekki tekið. Ég á sjálf barn með Asperger, sem er einhverfa.

[Heiður Þórunn Sverrisdóttir, 14.3.2008 kl. 23:22]

Þetta er alveg óskiljanlegt

[Brynja skordal, 15.3.2008 kl. 10:10]

Hafðu ljúfa helgi mín kæra

[Elísa (IP-tala skráð) 15.3.2008 kl. 10:47]

Já, fyrr má nú rota en dauðrota.

[Óskar Arnórsson, 15.3.2008 kl. 16:21]

Hvað er að dómskerfinu? Það er ónítt!!! Verkin tala sínu máli..

[Unnur María Hjálmarsdóttir (IP-tala skráð) 16.3.2008 kl. 03:40]

Já sammála ykkur her " Fyrr má nú rota en dauðrota."  Hef ekki heyrt það verra , eru dæmdar bætur af barni sem verður fyrir því slysi að loka hurð á kennarann sinn.  Er barnið sakhæft bæði vegna aldurs og fötlunar??? Hvað hafði gengið á áður en þetta  gerðist??,  einelti,??  var barnið vant því að flýja þarna inn,??? hvernig var tekið á eineltismálunum????? 

[Ruth Ásdísardóttir, 16.3.2008 kl. 09:11]

Algjörlega sammála þér Dísa! Þetta er enn eitt hneykslið frá réttarkerfinu!

[Hugarfluga, 16.3.2008 kl. 18:06]

Þetta er með ólíkindum.  Hvað er eiginlega í gangi???