Fallega skessan mín

Ég ef í gegn um árin haft þann ávana að gefa litla ættfólkinu mínu og öðrum litlum vinum svona smá gælunöfn sem hafa fest við þau í okkar samskiptum.  Ég til dæmis á einn lítinn vin sem ég kalla alltaf strumpinn minn, litla frænku sem ég kalla skottuna mína og aðra frænku sem ég kalla rófuna mína. 

Ein af mínum uppáhaldsfrænkum kynntist ég þegar hún var rétt rúmlega eins árs þegar ég flutti aftur heim frá Svíþjóð og bjó þetta frænkuskott mitt sér strax ból í hjarta mínu.  Hún var og er hörkudugleg, oft svolítil skellibjalla, mikið listræn, mjög ljúf og elskaði að knúsast með frænku sinni þegar hún var yngri.  Hún er mikill lestrarestur og vílaði meðal annars ekki fyrir sér að lesa Harry Potter á ensku aðeins 8 eða 9 ára gömul því hún gat ekki beðið eftir þýðingunni

Þessi frænka var ávalt velkomin til frænku sinnar og oft fékk frænkan heiðurinn af að passa þetta frænkuskott sitt okkur báðum til ánægju.  Þetta frænkuskott mitt fékk gælunefnið skessan mín.  Skessan mín mun ávalt eiga sér bólstað í hjarta frænkunnar sinnar og mér mun alltaf þykja vænt um þetta gælunafn mitt á henni og hún hefur einnig sagt mér að þetta gælunafn sé nú líka eitthvað sem henni þykir einnig vænt um.

Skessan mín er orðin svaka falleg ung dama sem fermdist í dag   Innilega til hamingju með daginn elsku Andrea Sif mín. 

Þessi fallegi stubbur er frændi minn

Það var nú ekki auðvelt að ná frænkuskottunum saman á mynd - svo gaman að ærslast

  Litli kúturinn minn hress og kátur

Athugasemdir

[Hrönn Sigurðardóttir, 22.3.2009 kl. 22:21]

Falleg stúlka á fermingardaginn sinn. Til hamingju með daginn

[www.zordis.com, 22.3.2009 kl. 23:49]

Til lukku með skessuna. Skil þig vel að eiga viðeigandi gælunöfn og skessa er falleg og styrk ung stúlka!

Knús í nýja viku!

[Steinunn Helga Sigurðardóttir, 23.3.2009 kl. 10:52]

yndislegt allt þetta rauða hár á börnunum !!!

KærleiksLjós  til þín

steina

[Solla Guðjóns, 23.3.2009 kl. 14:29]

[Sporðdrekinn, 23.3.2009 kl. 19:12]

Ad gefa winhverjum gœlunafn synir ad manni thikji vœnnt um einstaklinginn.

Falleg börn í fjölskyldunni thinni :o)

[Tína, 24.3.2009 kl. 09:40]

Til hamingju með frænku þína. En falleg er hún eins og hún á greinilega ættir til.