Þegar börnin koma.....

....þá eru þau nú vön að ná völdum á heimilinu með sínum aðferðum.  Litla skottan var nú fljót að finna út að best væri bara að brosa því þannig bræddi hún foreldrana algjörlega og fengi þá til að snúast í kring um sig  

Litli herran er nú ekki alveg búinn  að finna út endanlega stjórnunaraðferð (vona ég allavega) en þrátt fyrir það þá stjórnar hann nú miklu á heimilinu nú þegar Hans stjórntæki núna er nú reyndar þannig eðlis að öll fjölskyldan vildi gera mikið til að það væri ekki til staðar - sennilega ekki síst litli anginn.  Hann nefnilega er með einhverja magakveisu og margar nætur fara í ólgu og vanlíðan hjá þessari elsku.  Mikið hefur mamman oft óskað þess að hún gæti nú ropað eða rekið við fyrir litla angann sinn svo honum líði betur

Í nótt var svo pabbinn á vaktinni á meðan ég svaf á mínu græna - svaf reyndar með skottuna mér við hlið þar sem hún var eitthvað óróleg vegna hósta.  Þegar við svo komum framm í morgun blasti þessi sjón við okkur - sá litli hafði vísst ekki náð að sofna fyrr en um kl 5 í morgun og þá bara sofnaði pabbinn í sófanum í stað þess að færa þá inn til okkar stelpnanna. 

Núna liggur skottan upp í sófa og horfir á barnatímann á meðan ég fer bloggrúntinn og bíð eftir að sá stutti vakni í morgunsopann sinn en hann hefur sofið síðan kl. 5.  Húsbandið sendum við inn í rúm og þar sefur hann vært

Síðan er ætlunin að nýta daginn í að baka smá og jafnvel setja upp jólatréð.  Kannski fer samt jólatréð ekki upp fyrr en á morgun.  Gengur líka fyrir að fara út með skottuna og nýta tímann í þessum yndislega jólasnjó.  Semsagt góður dagur framundan hér á bæ.

Eigið góðan dag kæru bloggvinir

 

Athugasemdir

[, 20.12.2008 kl. 09:36]

Æ en sætir feðgar . Gott að þú færð líka að sofa . Það er um að gera að nota snjóinn - svona skottur kunna sko vel að meta hann  Eigðu góðan dag.

[Hrönn Sigurðardóttir, 20.12.2008 kl. 15:30]

Krúttin

[Steinunn Helga Sigurðardóttir, 20.12.2008 kl. 21:01]

Jólakram frá mér

Steina

[Linda Linnet Hilmarsdóttir, 20.12.2008 kl. 23:13]

Knús í hús og ljúfar kveðjur

[Fanney Björg Karlsdóttir, 21.12.2008 kl. 11:39]

Þú ert algjört ljós...... finnur alltaf það fallega við allt.......Ég verð oft svona hálfklökk þegar ég er búin að lesa þig..... ekki að þetta sé svona sorglegt..... þetta er svo fallegt......

Knús til þín frábæra kona....

[Rósa Aðalsteinsdóttir, 21.12.2008 kl. 21:11]

Sæl og blessuð

Falleg fjölskylda. Vona að litlu krílin þín fá bata sem fyrst.

Guð gefi ykkur gleðileg Jól og farsæld um ókomin ár.

Kær kveðja/Rósa