Hláturinn lengir lífið

Hér á bæ eigum við litla fjölskyldan uppáhalds sjónvarpsþátt.  Foreldrarnir horfa reyndar ekki svo mikið á þáttinn sjálfan heldur á skottið litla sem veltist um af hlátri   Þessi þáttur er Amerkians funnyest home video.  Það er svo sannarlega ekki hægt að segja annað en að svona lítið skott hafi húmor og kemur það berlega í ljós þegar hún horfir á þennan þátt.  Okkur finnst verst að hann er á þeim tímum kvölds sem er alveg við hennar háttatíma - og trúið mér það þýðir nú lítið að fá hana til að sofna stuttu eftir þáttinn - en allt er það þess virði finnst okkur öllum

Annars er lífið bara rólegt hér í koti.  Við hjónin ætluðum að kíkja smá á árshátíð í kvöld en ákváðum svo bara að vera stillt og prúð heima.  Frúin eitthvað þreytt og með hausverk svo það er viturlegast að vera bara heima og hvíla sig. 

Var farið í vikunni í viðtal í bænum og þar var ákveðið að bumbugullið verður sótt með keisara og verður það gert þann 6. nóvember.  Svo það er sá dagur sem öruggt er að bröltormur litli kemur í heiminn hafi hann ekki lagt af stað fyrir þann tíma (þá verður það bráðakeisari).

Eigið góða helgi elskur

Athugasemdir

[Sporðdrekinn, 18.10.2008 kl. 16:49]

hahahaha En yndislegur hlátur

Þú gengur sem sagt með sporðdreka, þú heppin

[Hugarfluga, 18.10.2008 kl. 19:26]

Ó, takk fyrir að sýna okkur þessa elsku. Þvílíkt smitandi hlátur!! Alveg dásamlegt  Gangi þér rosalega vel, elskan.

[www.zordis.com, 19.10.2008 kl. 09:08]

Hún er algjört yndi og mikið skil ég ykkur að leifa henni að horfa á þessa þætti!

Knús á þig á fallegum Sunnudegi!!

[Fanney Björg Karlsdóttir, 19.10.2008 kl. 16:29]

.... ahahaha... frábært.....allgjör gullmoli..

6. nóv er fínn dagur..... 4. er samt betri......... en sporðdreki er alltaf sporðdreki..... Gangi þér vel..... 

[Gunnar Helgi Eysteinsson, 21.10.2008 kl. 14:06]

Guð, ég var með bros upp að eyru... dúlla