Nálgunarbannslöggjöfin allt of stíf og erfitt að fá slíkt í gegn

Þessi frétt sem var á vísir.is er merki um hve ótrúlega erfitt er að fá í gegn nálgunarbann.  Löngu viðurkennt að of erfitt er að fá í gegn nálgunarbann og þessi löggjöf er því ekki að virka eins og skildi.  Það virðist stundum sem það sé ekki auðvelt að fá slíkt í gegn fyrr en það er í raun orðið of seint.

Mér er til dæmis spurn hví það er ekki hægt að setja á nálgunarbann í tilfellum eins og þessum??  Er virkilega ekki nóg að maðurinn hefur ítrekað gengið í skrokk á konunni í nokkur ár og beitt hana bæði líkamlegu og kynferðislegu ofbeldi (fyrir nú utan það andlega)????

Það er greinilega ekki vanþörf á að endurskoða þessu lög.

Hér er fréttin:

Vísir, 08. ágú. 2008 11:00

Rannsókn á grófum ofbeldisbrotum nær út fyrir landsteinana

Myndin er sviðsett.

Rannsókn lögreglunnar á höfuðborgarsvæðinu á grófum brotum manns gegn sambýliskonu sinni teygir anga sína út fyrir landsteinana. Hæstiréttur staðfesti í gær úrskurð Héraðsdóms Reykjavíkur um að maðurinn, sem talinn er hafa beitt sambýliskonu sína grófu líkamlegu og kynferðislegu ofbeldi á rúmlega þriggja ára tímabil, skuli ekki sæta áfram nálgunarbanni.

Hinn ákærði er háskólamenntaður Reykvíkingur á fertugsaldri. Maðurinn sat um tíma í gæsluvarðhaldi og var úrskurðaður í hálfs árs nálgunarbann gagnvart konunni en það bann er runnið út.

Lögregla hefur unnið að málinu um nokkurra mánaða skeið, enda mjög umfangsmikið mál og eitt það alvarlegasta heimilisofbeldismál sem til hennar kasta hefur komið. Lögreglan hefur þurft að afla gagna og vitna í samráði við lögregluyfirvöld í Danmörku, Noregi og Svíþjóð þar sem maðurinn og konan bjuggu á tímabilinu 2005 til 2007.

Langvarandi líkamlegt ofbeldi

Upphaf málsins hjá lögreglu má rekja til þess að aðfaranótt sunnudagsins 23. september 2007 barst lögreglu tilkynning um mikil læti úr íbúð kærða og kæranda. Þegar lögregla kom á staðinn hafði kærði verið í átökum við nágranna sem komið hafði að. Sambýliskona ákærða lá hins vegar í rúmi og virtust áverkar hennar alvarlegir.

Samkvæmt áverkavottorði voru afleiðingar árásarinnar meðal annars rifbeinsbrot, sprungin hljóðhimna auk þess sem hún var með fjölda marbletta víðsvegar um líkamann. Í áverkavottorðinu var þess einnig getið að hún hafi verið með gamla marbletti á efri og neðri útlimum. Það þykir þetta renna stoðum undir að hún hafi verið beitt langvarandi ofbeldi af hálfu kærða.

Fékk ókunnuga karlmenn til að eiga samræði við sambýliskonu sína

Sambúð ákærða og kæranda lauk 10. janúar 2008. Sama dag kærði hún manninn fyrir ítrekuð kynferðisafbrot sem staðið höfðu frá vorinu 2005. Síðasta brotið átti sér stað 5. janúar fyrr á þessu ári. Maðurinn er ákærður fyrir að hafa frá frá vorinu 2005 ítrekað fengið ókunna karlmenn sem hann hafi komist í samband við á netinu eða annan hátt til þess að eiga kynferðislegt samneyti við kæranda. Stundum voru þeir fleiri en einn.

Þetta var andstætt vilja konunar sem segist hafa orðið að láta að vilja kærða því öðrum kosti hafi hún mátt þola líkamlegt ofbeldi af hans hálfu. Ákærði myndaði kynferðislegar athafnir mannanna með konunni.
Maðurinn hafði áður verið dæmdur í sex mánaða nálgunarbann.

Fékk aðstoð lögreglu við að yfirgefa manninn

Konan fékk aðstoð lögreglu við að yfirgefa manninn og heimili sitt í byrjun ársins, eftir að lögregla hafði ákært manninn þrátt fyrir að konan hafi ekki viljað leggja fram kæru á hendur manninum, af ótta við hann. Eftir að hún frá manninum dvaldi hún í Kvennaathvarfinu.

Mikil þörf á áframhaldandi nálgunarbanni

Maðurinn var úrskurðaður í sex mánaða nálgunarbann 29. janúar fyrr á þessu ári sem Hæstiréttur staðfesti nokkrum dögum síðar. Lögreglustjórinn á höfuðborgarsvæðinu fór fram á að ákærði yrði áfram nálgunarbanni í þrjá mánuði þar sem rannsókn í málinu er ólokið.

Lögregla hefur unnið að málinu um nokkurra mánaða skeið enda mjög umfangsmikið mál. Í greinargerð lögreglu kemur fram að markmiðið með nálgunarbanni sé að vernda fórnarlömb heimilisofbeldis og fyrirbyggja frekara ofbeldi. Lögreglan telur að öryggi konunnar kunni að vera stefnt í voða fáist ekki framlenging á nálgunarbanninu.

Héraðsdómur Reykjavíkur varð ekki við þeirri beiðni 31. júlí síðastliðinn og þann úrskurð staðfesti Hæstiréttur í gær. Meirihluti dómenda Hæstaréttur í málinu, þeir Jón Steinar Gunnlaugsson og Ólafur Börkur Þorvaldsson, telur að ekki liggi fyrir rökstuddur grunur til að ætla að maðurinn brjóti gegn fyrrverandi sambýliskonu sinni eða raski friðar hennar á annan hátt.

Hæstaréttardómari vildi áframhaldandi nálgunarbann

Páll Hreinsson, dómari við Hæstarétt, skilaði sératkvæði. Hann sagði að maðurinn hefði verið ákærður fyrir gróf ofbeldisbrot gagnvart konunni og sjá megi af gögnum málsins, þar á meðal ljósmyndum, að áverkar hennar voru umtalsverðir. Páll segir að þegar haft er í huga að hin tímabundna skerðing á frelsi mannsins gangi ekki lengra en nauðsyn beri til skuli verða við beiðni um áframhaldandi nálgunarbann.

 

Athugasemdir

[Kolgrima, 8.8.2008 kl. 13:20]

Nálgunarbann? Af hverju er og verður þessi maður ekki í fangelsi?

Og hvað þýðir eiginlega rökstuddur grunur fyrst rifbeinsbrot, sprungin hljóðhimna og marblettir eru ekki rök? Kynmök við menn gegn vilja sínum? Þetta er ógeðslegt.

[Anna Einarsdóttir, 8.8.2008 kl. 14:00]

Já, maður verður bæði reiður og orðlaus.

Lögregla metur það sem svo að konan sé í hættu.  Það sýnir best hversu alvarlegt málið er.  Mér finnst þessi dómur sýna algert skilningsleysi dómaranna á líðan konu í þessari stöðu.  Hún er í raun sinn eigin fangi..... því hræðslan við þessar kringumstæður og óttinn við manninn er örugglega yfirþyrmandi.

[Ásdís Sigurðardóttir, 8.8.2008 kl. 16:54]

Þetta er með öllu óskiljanlegt og langt er nú komið þegar lögreglustjórinn lýsir yfir undrun sinni. Hvað er í kollinum á þessum dómurum? eru þeir kannski kinkí? ja, ég spyr. Hafðu það gott um helgina mín kæra :):)

[Jenný Anna Baldursdóttir, 8.8.2008 kl. 20:07]

Ég segi ARGGGGGGGGGGGGGGGGGG (langdregið öskur út í tómið).  Mér fallast hendur.

[Bergljót Hreinsdóttir, 8.8.2008 kl. 20:28]

AF HVERJU ERU SVONA MENN EKKI BAK VIÐ LÁS OG SLÁ...Í ALVÖRU???ARRRRRRRRRRGGGGGGGHHHHHH!!!!!!!!!

[alva (IP-tala skráð) 9.8.2008 kl. 00:15]

hvað er að þessum dómurum eiginlega...

[Sporðdrekinn, 9.8.2008 kl. 01:20]

Maður fyllist bara uppgjöf við svona lestur. Eru dómarar landsins ekki óhæfir, það sýnir sig trekk í trekk að fólk getur eyðilagt líf annarra mannveru og bara já, ok, nei ekki nægar sannannir. KJAFTÆÐI!!!

Svona menn eru villidýr og þá þarf að temja!

[Svava Björg Mörk (IP-tala skráð) 9.8.2008 kl. 10:49]

Sorglegt ég bara á ekki til orð! GARG

[Birna Dis Vilbertsdóttir (IP-tala skráð) 9.8.2008 kl. 18:22]

Afhverju er maðurinn ekki í fangelsi?Furðulegir oft þessir dómar

[Rósa Aðalsteinsdóttir, 9.8.2008 kl. 23:52]

Sæl og blessuð.

Réttarkerfið er handónýtt og þetta mál er algjör hneisa.

Baráttukveðjur fyrir réttlætinu.

Guð blessi þig og þína

Kær kveðja/Rósa

[Solla Guðjóns, 11.8.2008 kl. 23:43]

Ég er svo reið !!!

Hvað býr eiginlega í hugum þessara dómara

he.....s þöngulhausar og hrokagikkir.Þeir eru að gefa þessari ófreskju frítt veiðileifi á konuna.

Og hvað máli skiptir það þá þó nálgunarbann verði framlengt......það ótrúlegasta í þessu er þó að aðeins hafi verið dæmt til 6.mánaða banns.

Réttarkerfið er handónýtt fyrirbæri ef þetta eru vinnubrögðin.

knús á þig dúlla