Yndisleg verslunarmannahelgi

Já við ákváðum að skella okkur í smá útilegu um helgina litla famelían.  Ég pakkaði okkur niður á föstudagsmorgun og brunaði svo af stað.  Kom við í Þorlákshöfninni og ætlunin var að kíka á Zordísi bloggvinkonu og knúsa hana og skoða listaverkin hennar.  Missti því miður af henni en heillaðist gjörsamlega af listaverkunum hennar.  Falleg eru þau á mynd en vá vá vá maður heillast algjörlega af því að sjá þau svo svona ekta.

Svo var brunað upp í Borgarfjörð og enduðum í Húsafelli.  Þar voru foreldrar mínir einnig og eyddum við góðum stundum þarna ásamt fjölmörgum öðrum enda var allt fullt í Húsafelli og komumst við aðeins inn á svæðið vegna þess að búið var að taka frá stæði fyrir okkur.  

Laugardagurinn var svo algjör sæla í rúmlega 20° C hita og sól.  Skotta var sko yfir sig sæl með þetta allt og ekki slæmt að fá að skottast um í góða veðrinu.  Hún er svo dugleg þessi elska og fór meira að segja í um 3 km gönguferð með pabba sínum og labbaði sko sjálf næstum alla þessa leið - ekki lítil vegalengd fyrir stuttar fætur.  Enda var þessi elska gjörsamlega uppgefin um kvöldmatarleitið en borðaði sko eins og hestur en var líka FLJÓT að sofna stuttu seinna.

Í morgun vöknuðum við svo í mun svalara veðri og smá roki.  Ákváðum um hádegi að skella okkur bara heim í notalegheitin og var öllu pakkað saman á meðan litla skottið svaf hádegislúrinn sinn.  Komum svo við hjá ömmu minni sem jú býr þarna í Borgarfirðinum og svo var auðvitað komið við í Borgarnesi að fá okkur ís - ekki hægt að keyra þar framhjá öðruvísi haha

Nú er litla famelían komin heim í heiðardalin sæl með góða helgi og alltaf gott að koma heim.  Hér fyrir neðan eru nokkrar myndir úr ferðinni.

Komst í smá nammi

Alveg uppgefin á laugardagskvöldinu

Hraunfossar

  Barnafoss (úffff fæ alltaf hroll þegar ég stend þarna og hugsa með mér að ekki vildi ég lenda í þessari yðu eða að nokkur annar lendi þarna)

Fallegustu feðginin

Fékk sko eigin ís - nammmmmm og var lfrekar sátt við það haha

Athugasemdir

[Ásdís Sigurðardóttir, 3.8.2008 kl. 21:42]

Æðislegar myndir úr fríinu ykkar og gott að þið eruð komin heil heim. Hafðu það gott elskan min og farðu vel með þig.

[www.zordis.com, 3.8.2008 kl. 22:16]

Geggjaðar myndir úr ferðinni ykkar.  Sú stutta er alldeilis dugnaðarkona, ætli að sumir væri ekki þreyttir eftir 3 km ooog með lengri fætur

Þvílík synd að missa af þér en við bætum það upp í vikunni.

[Rósa Aðalsteinsdóttir, 3.8.2008 kl. 23:13]

Sæl og blessuð.

Flottar myndir og yndislegt ferðalag.

Hafðu það gott í sveitinni?

Guð blessi ykkur.

Kær kveðja/Rósa

[Bergljót Hreinsdóttir, 4.8.2008 kl. 00:46]

Gaman að lesa og skoða þessa fínu færslu...Skottan algjört krútt!!!!

[Sporðdrekinn, 4.8.2008 kl. 17:57]

[Edda (IP-tala skráð) 4.8.2008 kl. 19:35]

Hæ hæ og til lukku ( ég var að lesa eldra blogg..)

kv Edda 

en sendu mér símanúmerið þitt.. ég er að hugsa um að kíkja á þig í næstu viku ef þú ert heima... nota tækifærið á meðan ég er í fríi.....

[Linda Linnet Hilmarsdóttir, 4.8.2008 kl. 20:16]

[Gunnar Páll Gunnarsson, 4.8.2008 kl. 22:14]

Flott hjá þeirri stuttu. Svona eiga útilegur að vera. (með ís)