Enn eitt dæmið um hve lítils fórnarlömb ofbeldisbrota eru metin

Þetta er bara algjör hneisa.  Maðurinn er búinn að skemma líf 7 stúlkna og þau eru greinilega ekki mikils virði í augum réttarkerfis þessa lands.  Það er alltaf verið að tala um að refsiramminn fyrir ofbeldisbrot sé þetta og þetta sterkur en sá aumi refsirammi sem finnst er ekki einu sinni nýttur.  Hví þá???  Er ekki tími til kominn að fara að nýta þann litla refsiramma sem til er til fullnustu í svona málum??

Arg ég verð alltaf jafn brjáluð þegar slíkir dómar koma upp

"Dómurinn segir, að við ákvörðun refsingar sé litið til þess að maðurinn hafi gerst sekur um mörg kynferðisbrot gegn barnungum stúlkum og að sum þeirra séu mjög alvarleg. Brot hans tóku að hluta til yfir langt tímabil og hann nýtti sér sakleysi stúlknanna og trúnað og traust sem dætur hans og stjúpdóttir báru til hans."

 Já og þrátt fyrir þetta fær maðurinn aðeins 4 ár - jahérnahér.

4 ára fangelsi fyrir kynferðisbrot

Athugasemdir

[Nanna Katrín Kristjánsdóttir, 31.7.2008 kl. 15:54]

Allavega hefði hann átt að fá þyngri dóm en mennirnir tveir sem nauðguðu konu niður í bæ. Þeir voru ekki íslenskir svo það hefur kannski spilað inn í.

[Jenný Anna Baldursdóttir, 31.7.2008 kl. 15:57]

Hneyksli.  Ég er reyndar á því að íslenskt réttarkerfi sé ekki fyrir konur og börn.

Þetta gerir mig fullvissa í þeirri trú.

[Anna Ólafsdóttir (anno) (IP-tala skráð) 31.7.2008 kl. 16:32]

Ég vil sjá miklu þyngri dóma fyrir kynerðisbrot. Ég held að að meirihluti þeirra sem fara með löggjafarvaldið sé líka á þeirri skoðun. En það virðist sem þyngingar dóma gangi alveg ofboðslega hægt í gegnum dómskerfið þó að heimild sé fyrir þyngri refsingum en beitt er. Sorglegt.

[Ásdís Sigurðardóttir, 31.7.2008 kl. 18:24]

Ætlaði einmitt að segja sama og Einar, hann verður kominn út áður en varir.  Skítlegur dómur og til skammar fyrir þessa dómara.

[Sporðdrekinn, 31.7.2008 kl. 21:17]

 

[Jóna Á. Gísladóttir, 31.7.2008 kl. 21:31]

Ég skil þetta ekki. Ganga svona tilboð í réttarkerfinu?

7 fyrir 2.

Þ.e. nauðgaðu, svívirtu og eyðileggðu 7 litlar barnssálir og fáðu dóm fyrir tvær. 

Þetta virkar örugglega afskaplega letjandi á athafnaglaðan barnaníðing eða hitt þó heldur.

mig svíður í hjartað við tilhugsunina um allar þessar litlu stúlkur og fjölskyldur þeirra. Og ekki bætir úr hversu mikla vanvirðingu er að finna í þessum dómi. Og að því virðist algert skilningsleysi á því hvaða áhrif svona nokkuð hefur á líf þeirra sem hlut eiga að máli.

[Sesselja Fjóla Þorsteinsdóttir, 31.7.2008 kl. 22:37]

Manni er bara orðavant.

[Huld S. Ringsted, 31.7.2008 kl. 23:05]

Ég átti ekki til orð þegar ég heyrði þetta í fréttum í kvöld, skammarlegur dómur

[Brynja skordal, 1.8.2008 kl. 10:09]

 á ekki til orð yfir svona dómum...En hafðu ljúfa helgi Elskuleg

[Bergljót Hreinsdóttir, 1.8.2008 kl. 10:28]

Það er sorglegra en tárum taki hvað réttarkerfið okkar er rotið.

Það má ráðast á og drepa fólk...nauðga og svívirða konur og börn hægri vinstri...bara ekki stela peningum....þá vaknar allt til lífsins þarna í þessu rotnaða sístemi....

Arrrrgh...!

[Gunnar Páll Gunnarsson, 2.8.2008 kl. 07:24]

Svona lagað er bara hræðilegt. En er svo ekki til meðferð fyrir svona veikt fólk? Manngreyið er jú fárveikur á sinninu og fangelsisdvöl (sem hann á svo sannarlega skilið) gerir bara illt verra. Alkarnir eru þó  sendir í meðferð en kynferðisafbrotamenn fara bara í fangelsi í nokkur ár og svo er bara að byrja aftur? Eða hvað?

[Linda Linnet Hilmarsdóttir, 2.8.2008 kl. 07:34]

[Gunna-Polly, 3.8.2008 kl. 10:52]

Íslenska réttarkerfið er svo rotið að það 1/2 væri nóg , ég reyndi að lesa dóminn +a netin en gat það ekki vegna tára sem láku

[Sigrún Óskars, 3.8.2008 kl. 22:53]

Alltof lin refsing fyrir alvarleg brot. Samt er að sjá að dómurum hafi þótt þetta alvarleg brot, en refsing engan vegin í samræmi við neitt.  Eitt er þó athyglivert; hann sat í gæsluvarðhaldi á meðan málið fór fyrir dóm, einn plús fyrir dómskerfinu. Ég verð líka brjáluð þegar ég sé svona dóma.

[Rósa Aðalsteinsdóttir, 3.8.2008 kl. 23:11]

Sæl og blessuð Dísa Dóra.

Þessi dómur er algjör skandall. Þarna er maður sem hefur eyðilagt líf sjö einstaklinga. Þetta mun vera dýrt fyrir ríkið í framtíðinni. Við vitum að mikið af fórnarlömbum misnotkunar, kynferðislegra áreitni, eineltis enda sem öryrkjar. Hægt er að telja upp ýmislegt annað sem hefur því miður sömu afleiðingar svo sem barsmíðar, andlegt ofbeldi o.fl.

Einstaklingar fara út í lífið með brotið líf, lifandi dauð. Það er reynt og reynt að deyfa sársauka t.d. með áfengi, eiturlyfjum, lauslæti o.fl. Einstaklingarnir upplifa sig einskis virði og  þess vegna slá þau oft upp í kæruleysi þó þau viti að lífernið þeirra sé ekki til fyrirmyndar. Það kemur svo að því að þau komi að gatnamótum og ýmislegt kemur uppá yfirborðið. Margir þurfa á mikilli læknishjálp sem er dýrt fyrir ríkið.

Þess vegna skil ég ekki af hverju forráðamenn læra ekki af þessu og taka rétt á málum og láta gerendur greiða skaðabætur og láta þá dúsa inni í miklu fleiri ár. Það þarf að hjálpa þolendum strax áður en vandamálin verða oft óyfirstíganleg. Við þekkjum öll sorgleg dæmi. Ég á því miður fullt af vinum sem hafa farið mjög illa og rótin var misnotkun í æsku. 

Mín rót var önnur en ég fór líka út í lífið með brotið ker. Þar varð ég fyrir einelti, kynferðislegri áreitni og fl.

Veit ekki hvað skal segja um að þarna sé verið að spara aurana og kasta krónunni eða spara krónunni og kasta aurunum.

Það þarf að  byrgja brunninn áður en barnið fellur í brunninn. Það má alls ekki spara peninga í forvarnarstarf.  

Þetta er ólíðandi og það verður að taka hart á þessu.

Baráttukveðjur/Rósa