Mótorhjól og umferðin

Já það hafa mikið verið sýndar auglýsingar undanfarið þar sem mjög er brýnt fyrir okkur ökumönnum að horfa vel í kring um okkur því að mótorhjólin sjáist ekki eins vel og því gæti verið að við svínuðum á eitt slíkt ef við erum ekki varkár.  Já ég hef sko haft þetta í huga og lít því extra vel í kring um mig að sumrinu til sérstaklega þegar þessir fákar eru sem mest á ferðinni.

En slíkt dugar nú ekki alveg til þegar mótorhjólamennirnir gleyma alveg að fara eftir umferðareglum.  Ég var á leið í vinnuna í dag og var að beygja inn götuna þar sem ég vinn.  Við hornið rétt þegar maður beygir er hraðahindrum með merktri göngubraut á og því fer maður nú ekki hratt í þessa beygju eða þarna um kring.  Beygi þarna og veit ekki fyrr en ógurlegur hvellur gall við og ég sat skjálfandi í glerbrotahrúgu því rúðan kom yfir mig.  Lít til hliðar um leið og ég stansa og bregður heldur betur illa þegar ég sé bara mann liggja á götunni.  Þá hafði maðurinn (á mótorhjóli) ekki verið meira vakandi en svo að hann ætlaði sér að taka fram úr mér þarna og var ekkert að horfa á að ég var með stefnuljós.  Plús það að ólöglegt er jú að fara fram úr við gangbraut.  Hann kom því fljúgandi inn í hliðina á mér.  Það var þó lán í óláni að við vorum ekki á nenni ferð sem heitir vegna hraðahindrunarinnar og fór því betur en á horfiðst.  Vissulega skemmd á hjólin og öll hliðin á bílnum mínum skemmd - verður sennilegast dæmdur ónýtur finnst mér líklegt þar sem að ég var sem betur fer á gamla bílnum mínum.  En hvorugt okkar slasaðist svo það er fyrir öllu.  Og ég í 100% rétti svo ég slepp við að punga út einhverjum upphæðum þó svona sé alltaf bölvanlega bagalegt að standa í.

En ég fékk svo sannarlega áfall og titraði og skalf í smá tíma á eftir.  Ætli litla bumbugullið mitt verði ekki algjörlega taugaveiklað.  Alltaf að lenda í að mamman er í þvílíku áfalli vegna skjálfta og áreksturs   Þurfti svo að fara í sturtu og þvo af mér allar gleragnir sem allstaðar sátu fastar og smugu sko á ótrúlegustu staði.

En þetta dæmi sýnir nú mjög glögglega að það þurfa fleiri en ökumenn bifreiða að vera með varann á sér og fyrst og fremst að fara eftir umferðareglum. 

Athugasemdir

[Hrönn Sigurðardóttir, 25.7.2008 kl. 20:50]

Elsku kellan mín!

Gott að allir sluppu heilir! Þetta er eitthvað sem enginn vil lenda í

[Lilja G. Bolladóttir, 26.7.2008 kl. 01:14]

Nákvæmlega rétt hjá þér! Ökumenn bifhjóla eru í flestum tilfellum, held ég, ábyrgðarfullir en svo eru alltaf einhverjir sem bara eru í þessu fyrir spíttið.... Ætli við þurfum ekki ÖLL að hafa augun opin!!

Gott að allt fór vel hjá ykkur, og ég skil sko vel hjartsláttinn, þarf nú oft minna til.....

[Birna Dis Vilbertsdóttir (IP-tala skráð) 26.7.2008 kl. 11:53]

Gott að allt fór vel.Því miður eru skussar á hjólum eins og á bílum.Ég er mikið meira vakandi í umferðinni eftir að ég fór sjálf að hjóla.Þeir sem hafa nærri ekið á mig á hjóli voru iðulega í símanum

[Steinunn Helga Sigurðardóttir, 26.7.2008 kl. 21:47]

eins gott að ekki fór illa, þökkum fyrir það.

ég lenti einu sinni í því á laugarveginum  að hjól keyrði inn í bílinn minn og unfir, ég var ekki einu sinni á ferð. það var mikil umferðog umferðin var stoppuð, svo heyri ég þessi líka svaka læti og bíllinn lyftist upp og mótorhjólið rann einhvernveginn bæði á hliðina og hálft undir bílinn. ökumauður hjólsins var að sjálfsögðu í sjokki, en ég varð mest hissa !

engin slasaðist sem betur fer.

Kærleikur til þín

steina

[Linda Linnet Hilmarsdóttir, 26.7.2008 kl. 22:08]

Knús og sólarkveðjur

[Sporðdrekinn, 27.7.2008 kl. 18:19]

Úff gott að ekki fór verr!

Og þar sem að ég hef auðsjáanlega verið út á þekju og ekki tekið eftir þessu fyrr: Til hamingju með bumbubúann