Við getum haft áhrif til batnaðar

Já nú er runninn upp sunnudagur enn eina ferðina og vil ég því enn og aftur minna á sunnudagsátak okkar búddistanna sem er svo einfalt fyrir alla að vera með í hverrar trúar sem þið eruð.  Það er nefnilega máttur bænarinnar sem gildir - sama hvort bænin kemur frá búddista, kristnum, kaþólskum, múslímskum eða einhverrar annarar trúar einstaklingi.  Ég fjallaði til dæmis um þetta átak HÉR og þið getið fræðst meira um það ef þið hafið ekki lesið um þetta áður.

Hvern sunnudag fáum við svo bréf til að minna okkur á þetta átak ásamt punktum um það sem við getum haft í huga.  Þennan sunnudaginn fengum við eftirfarandi bréf sem ég svo sannarlega er fyllilega sammála og styð heilshugar:

Sælar á sunnudegi,

Unga fólkið okkar sem oft er það sem stendur hjarta okkar næst er enn þema í sunnudags kirjunum og bænum okkar. Margir hafa þurft að horfa hjálparvana á unga manneskju sem gefst upp á leitinni að hamingju og á lífinu sjálfu. Það hlýtur að vera mesta sorgarraun sem hægt er að lenda í. Og oft höfum við sem eldri erum óskað þess að við gætum lifað lífinu fyrir unga fólkið okkar svo að það þurfi ekki að fara í gegnum erfiðleika og sársauka. Að vera ungur í dag er mikill ratleikur. Mér verður hugsað til foreldra unga mannsins sem var lagður í einelti í skóla og jafnaði sig aldrei eftir það. Það er miklu algengari reynsla en flesta grunar. Það er stór harmleikur sem er þar að verki og endurspeglar mein, djúpt í samfélagi okkar. Hvernig sem við kjósum að sjá rót þessa mikla vanda sem herjar bæði á ungdóminn og fólk á öllum aldri, þá er enn sem fyrr aðeins eitt sem við getum gert.

Eins og gullgerðarmenn fyrri tíðar sem unnu við að breyta málmum í gull, verðum við að vinna að því að breyta neikvæðni í jákvæðni. Foreldrarnir sem misstu unga drenginn sinn nýverið eru einmitt að gera það með því að vekja aftur umræðuna um einelti og alvarlegar afleiðingar þess. Þau sýna mikið hugrekki í sorg sinni.

Verum hugrakkar og látum í okkur heyra þegar ranglæti og fáfræði verður á vegi okkar, því að það skapar oft miklar þjáningar og sérstaklega hjá viðkvæmu (næmu) ungu fólki.

Um leið og við minnumst þeirra sem hafa orðið undir og ekki treyst sér til þess að rísa upp aftur, skulum við sjá fyrir okkur sterka einstaklinga af ungu kynslóðinni sem eru geislandi af lífsorku og jákvæðum viðhorfum, nóg til þess að lýsa öðrum leið.

 

Athugasemdir

[Ásdís Sigurðardóttir, 20.7.2008 kl. 15:31]

Þetta er alvegi ótengt hverri þeirri trú sem fólk hefur, bara stóri sannleikur og allir ættu að nota þetta efni í bænir sínar þessa dagana sem og aðra líka.  Hafðu það gott Dísa mín

[Guðrún Emilía Guðnadóttir, 20.7.2008 kl. 17:43]

Mikið rétt, og ég get ekki skilið að það hafi neitt með trú að gera, málefni barna,
allir eru jafnir og við verðum að vinna öll að því að uppræta einelti, um leið og það byrjar. það þarf líka að huga vel að þeim er þau fara út á vinnumarkaðinn, mikið er um einelti þar og ekki síst af yfirmönnum,
Þau lempast niður og verða vansæl, ég er búin að standa með mínum í ljótu máli undanfarið, er það með ólíkindum hvernig fólk getur komið fram, en sem betur fer þá eru þau börn sem urðu fyrir þessu opin og sögðu frá.
Verðum að fylgjast með og leiðbeina þeim alla leið.
Kveðja til þín Dísa mín
Milla.

[Hugarfluga, 20.7.2008 kl. 18:46]

Takk fyrir vakninguna.

[Linda Linnet Hilmarsdóttir, 21.7.2008 kl. 13:55]

knús á þig elskulegust

[Jenný Anna Baldursdóttir, 21.7.2008 kl. 14:43]

Takk fyrir mig.  Búddsmi er fallegur boðskapur.

[SigrúnSveitó, 21.7.2008 kl. 18:26]

[Gunnar Helgi Eysteinsson, 22.7.2008 kl. 20:39]

[www.zordis.com, 22.7.2008 kl. 22:15]

Zad er alveg sama hvadan gott kemur ef vid nýtum zad og beinum á rétta braut!

Knús á zig mín kaera.

[Steinunn Helga Sigurðardóttir, 23.7.2008 kl. 10:34]

þetta er fallegt og rétt !

Kærleikur til þín

steina

[Sunna Dóra Möller, 23.7.2008 kl. 14:52]