Bros barnsins hefur áhrif á skap móðurinnar

Já svo segir ný rannsókn að bros barnsins efli gleði móðurinnar.  Það er svo sannarlega satt og gleðin hér á bæ er oft mikil.  Hún getur jafnvel verið óþarflega mikil á köflum.  Tja kannski ekki óþarflega mikil gleði til í raun en þó getur verið erfitt að geta ekki annað en brosað eins og asni þegar þarf frekar að skammast aðeins í ákveðnu ungu stelpuskotti

Tökum dæmi:  Stelpuskottið er allverulega ákveðin í að nýjasta klifurgrind heimilisins sé stofuborðið.  Svosem kannski ekki hátt borð en einhvernvegin þarf nú að kenna þessari elsku að maður klifrar ekki upp á borð og situr þar (nema kannski helst ef maður býr á Tailandi).  Mamman reynir að skammast smá í skottinu en verður verulega að hefta brosið (ef það yfir höfuð tekst að hefta það) þegar ákveðna unga daman argar bara á mömmu sína og stenur svo á gólfinu krossleggur hendur á brjósti (ekki spurja mig hvar hún lærði það) og heldur svo skammaræðu yfir mömmunni á sínu tungumáli og brosir svo sínu blíðasta og kinkar kolli.  Hehehe ótrúlega kómískt að sjá get ég sko lofað ykkur að sjá 17 mánaða krakkagrislíng standa á gólfi með krosslagaðar hendur og hnykklaðar augabrúnir og skammast fyrir að fá ekki að gera það sem hún vill.

Annað dæmi var einmitt núna:  Daman á jú að vera farin að sofa en er sko ekki aldeilis á því.  Snuddan hefur fengið að fjúka nokkrum sinnum niður á gólf og svo heyrðust há hlátrasköll innan úr svefnherbergi.  Jú daman er nefnilega að fatta að það er hægt að fara í kollhnís og var að reyna að æfa þetta inni í rúmi.  Finnst þetta ótrúlega gaman og mamma þarf oft að hjálpa við slíkt athæfi á daginn því þetta er svo gaman.  Mikill hlátur hjá okkur báðum við það.  En það virðist nú ekki vera minna gaman að standa á fjórum fótum í rúminu og rugga sér fram og til baka og reyna að komast í kollhnís.  Sem reyndar tekst mjög illa þar sem daman hlær svo að hún lekur niður.  Hvernig á maður að skamma svona stelpuskott sem ætti að fara að sofa í stað þess að vera með leikfimisæfingar?

Þessi börn eru svo sannarlega yndisleg og vekja svo sannarlega mikla gleði - stundum of mikla já

Athugasemdir

[Hrönn Sigurðardóttir, 10.7.2008 kl. 20:44]

[Jenný Anna Baldursdóttir, 10.7.2008 kl. 22:14]

Krúttmoli og víst er það satt og rétt að það er ekkert eins dásamlegt og barnsbrosið nema ef vera skyldi lítil manneskja sem vefur mann örmum.

[Anna Einarsdóttir, 11.7.2008 kl. 08:42]

Hahahaha .  Sú kann að bjarga sér.  Það væri gaman að fá að sjá eina svona skammarræðu yfir mömmunni.  Yndislegt.

[Ásdís Sigurðardóttir, 11.7.2008 kl. 13:08]

Barnabrosin geta brætt mann endalaust.  Yndisleg skottan þín, man þegar þið komuð og hún sá kisu mína, sú hló.  Góða helgi   

[Linda Linnet Hilmarsdóttir, 11.7.2008 kl. 14:58]

knús knús og bestu óskir um góða helgi

[Heiður Þórunn Sverrisdóttir, 11.7.2008 kl. 15:46]

Börn eru yndisleg og sér í lagi ef skotið er eins og einu brosi til foreldra er oft erfitt að standa á sínu...

Hún litla frænka mín veit alveg hvað syngur og er mjög ákveðin stelpu skott það sá ég um helgina hún er yndisleg og bræddi frænku sína í Grindavíkinni oftar en einu sinni og átti ekki neitt erfitt með það.

Knús á ykkur kveðja Heiður frænka í Grindavíkinni. 

[Nanna Katrín Kristjánsdóttir, 11.7.2008 kl. 15:51]

Já börnin mans geta sko komið manni í sæluvímu bara með littlu brosi, tala nú ekki um þegar þau hlægja.

[Brynja skordal, 11.7.2008 kl. 16:47]

Hafðu ljúfa helgi elskuleg

[Sesselja Fjóla Þorsteinsdóttir, 12.7.2008 kl. 14:35]

[www.zordis.com, 12.7.2008 kl. 15:15]

Litla krúttið!  Stundum verða mömmur að standa sig og vera smá strangar!  Algjör gullmoli þessi engill þinn.

Góða helgi og strjúktu mallakútanum.

[Bergljót Hreinsdóttir, 12.7.2008 kl. 16:35]

"Brostu alltaf við barni sem brosir til þín. Að láta slíku brosi ósvarað er að spilla trú barnsins á að heimurinn sé góður!"

[Þórdís Guðmundsdóttir, 13.7.2008 kl. 11:28]

Ég er svo heppin að vera brædd daglega með mörgum brosum frá yfirhrekkjusvíni heimilisins (ekki eiginmaðurinn!).  Spillir vissulega oft fyrir uppeldistilraunum móðurinnar!