Happatalan mín varð 46 í dag :)

Já hvað er þá happatala?  Sennilega margir sem spurja sig þess núna

Fyrir nokkrum árum hlustaði ég á erindi hjá búddistum þar sem verið var að tala um aldur og fleira.  Þar var talað um að við ættum í raun aldrei að tala um aldur eða að maður eldist, heldur ætti að tala um og hugsa um happatölu í staðinn.  Við erum nefnilega ótrúlega heppin að fá að eyða tímanum hér og heppin ef að árin bætast við.  Ég fékk þetta erindi en þvi miður finn ég það ekki í fórum mínum sama hvað ég leita.  Finn það sennilega seinna þegar ég er að leita að einhverju allt öðru

En ég heillaðist semsagt af því að tala um happatölur og hef síðan reynt að tileinka mér það   Ég er líka alveg á því að allt sé fertugum fært og verð að segja að árin eftir að ég varð fertug hafa bara orðið betri og betri.  Reyndar var sá afmælisdagur mjög óvenjulegur og ég svo upptekin að ég mátti varla vera að því að tala við fjölskyldu mína   Ástæðan var sú að vinir mínir og félagar kröfðust þess að samtökin Styrkur - úr hlekkjum til frelsis (sem ég er formaður og stofnandi að) yrðu stofnuð þennan dag.  Fannst það svo flott að stofna þessi samtök sem voru mér svo mikilvæg á þessum degi mínum.  Ég samþykkti það en hefði líklega aldrei gert það hefði mig grunað hve mikil vinna var í sambandi við þetta og allt í kring - sem jú olli því að ég mátti ekki vera að því að eiga afmæli   Eftir á finnst mér þó voða vænt um að samtökin voru stofnðu einmitt þennan dag og þakka því vinum mínum fyrir þetta í dag.  Já því eru samtökin að eignast happatöluna 6 í dag

Athugasemdir

[Hrönn Sigurðardóttir, 9.4.2008 kl. 13:04]

Til hamingju með daginn sæta

[Fjóla Æ., 9.4.2008 kl. 13:21]

Hjartanlegar hamingjuóskir til þín og samtakanna þinna í tilefni dagsins. Megið þið bæði lengi lifa.

[Gunnar Helgi Eysteinsson, 9.4.2008 kl. 13:36]

Til hamingju með daginn.

(Talan mín er 33) 

[Guðjón H Finnbogason, 9.4.2008 kl. 14:43]

Til hamingju með það.

[Guðrún Emilía Guðnadóttir, 9.4.2008 kl. 16:26]

Dísa Dóra til hamingju með töluna þína og ég ætla að þakka fyrir það með þér að þú skulir hafa fengið að njóta hennar.
Þú ert lánsöm kona.
                                 Kærleikskveðjur 
                                     Milla.

[Dísa Dóra, 9.4.2008 kl. 16:47]

Takk fyrir hamingjuóskirnar elskur

Guðmundur - já þetta er svo sannarlega happadagur

Alfa - litla skottið er örugglega löngu búin að ákveða sinn dag og það kemur í ljós fljótlega hvaða dagur það er

Ásdís - já segðu!!  Tíminn líður svo sannarlega hratt.

Milla - ó já ég er svo sannarlega lánsöm kona í dag

[Þórdís Guðmundsdóttir, 9.4.2008 kl. 20:25]

Til hamingju með afmælið!

[Sporðdrekinn, 10.4.2008 kl. 13:34]

Svolítið seint hér en... Til hamingju með nýju happatöluna þína

[Anna Einarsdóttir, 10.4.2008 kl. 22:19]

Ennþá seinni....... en sama happatala, hjúkket. 

Innilega til hamingju með 46.     Ég er alveg sammála þér með það að lífið verður betra eftir fertugt.

[Solla Guðjóns, 11.4.2008 kl. 10:57]

Flott þetta happatalan mín orðin 46........Til hamingju með daginn dúlludós og samtökin....

Allt er fertugum fært humm ég á eftir 1 og 1/2 ár á þeim frábæra aldri.