Viltu vera fiðrildi?

VILTU VERA FIÐRILDI?

 

Vikuna 3. – 8. mars mun UNIFEM á Íslandi standa fyrir FIÐRILDAVIKU þar sem vakin er athygli á ofbeldi gegn konum í þróunarlöndum og á stríðshrjáðum svæðum.

 

Af því tilefni efna BAS og UNIFEM til FIÐRILDAGÖNGU  miðvikudaginn 5. mars kl. 20:00.  Gengið verður frá  húsakynnum UNIFEM á mótum Frakkastígs og Laugavegs, niður á Austurvöll. Fyrir göngunni fara 12 þjóðþekktir einstaklingar með kyndla og við verðum  í góðum takti með kvennakórnum Léttsveit Reykjavíkur. Göngunni lýkur svo með uppákomu á Austurvelli.

 

Í Fiðrildaviku UNIFEM verður lögð sérstök áhersla á að styðja við verkefni í Kongó, Líberíu og Súdan sem hafa það að markmiði að uppræta ofbeldi gegn konum.  Þetta er málefni sem snertir okkur öll því í dag verður ein af hverjum þremur konum í heiminum fyrir kynbundnu ofbeldi á lífsleið sinni!

 

Fiðrildið táknar umbreytingu til hins betra og fiðrildaáhrif (butterfly effect) vísa í þá kenningu að vængjasláttur örsmárra fiðrilda í einum heimshluta geti haft stórkostleg áhrif á veðurkerfi hinum megin á hnettinum. Það má svo sannarlega heimfæra kenninguna um fiðrildaáhrifin á átak UNIFEM á Íslandi sem mun gefa konum í þróunarlöndum og á stríðshrjáðum svæðum byr undir báða vængi. Með þinni þátttöku getur þú haft fiðrildaáhrif!

 

 

 

Vertu fiðrildi! Hafðu áhrif! Mættu!

 

Bríet Birgisdóttir, hjúkrunarfræðingur.

Anna I. Arnarsdóttir, hjúkrunarfræðingur.

Soffía Eiríksdóttir, hjúkrunarfræðingur

Athugasemdir

[Gunnar Helgi Eysteinsson, 2.3.2008 kl. 21:21]

Ég kemst því miður ekki en í hjarta mínu er styð ég þennan málstað 100%

[www.zordis.com, 2.3.2008 kl. 21:37]

Fiðrildahugur hjá mér .... næ ekki að taka þátt! 

[Kolgrima, 2.3.2008 kl. 23:36]

Þetta er frábær málstaður.

[Heiður Þórunn Sverrisdóttir, 3.3.2008 kl. 08:12]

Styð þetta heilshugar þó ég komist ekki sjálf...

[Solla Guðjóns, 4.3.2008 kl. 20:14]

'eg vil vera fiðrildi,kemst þó ekki í gönguna.