Ekki eru líf þessara stúlkna hátt metin....

Ekki eru líf þessara stúlkna hátt metin innan íslenska réttarkerfisins.  2 1/2 ár fyrir að eyðileggja æsku sex barna.  Það er bara skömm að því hve slakir svona dómar eru

Það vekur einnig athygli mína að það er sérstaklega tekið fram í fréttinni að þetta sé trúnaðarbrot.  Já vissulega er þetta MJÖG alvarlegt trúnaðarbrot en það er nú ekki það versta við slíka verknaði tel ég.  Þó vissulega sé trúnaður brotinn illilega í slíkum tilfellum og valdi því að oft geta þeir sem verða fyrir kynferðisofbeldi ekki treyst mannfólkinu eftir það.  En er trúnaðarbrotið það alvarlegasta þegar um kynferðisofbeldi er að ræða?

Mér finnst löngu kominn tími til að íslenska réttarkerfið sé endurskoðað og dómar fyrir ofbeldisbrot þyngdir til muna.

Dæmdur í 2½ árs fangelsi fyrir kynferðisbrot gegn 6 stúlkum

Athugasemdir

[Helga Dóra, 15.11.2007 kl. 16:25]

Hann er ekki bara búin að eyileggja æskuna þeirra, hann er búin að breyta allri framtíð þeirra.

[Mummi Guð, 15.11.2007 kl. 16:43]

Sammála.

[Alexander Kristófer Gústafsson (IP-tala skráð) 15.11.2007 kl. 16:57]

Dauðarefsing er málið gegn svona fólki

[Huld S. Ringsted, 15.11.2007 kl. 18:15]

Svona dómar eru skammarlegir

[Púkinn, 15.11.2007 kl. 19:16]

Púkinn er nú helst á því að það ætti að gelda svona menn, eða loka þá inni til lífstíðar, en það þykir víst ekki við hæfi.

Það sama á við hér og varðandi refsingar fyrir akstur undir áhrifum áfengis og fíkniefna - Þjóðin vill þyngri refsingar, dómstólar segjast einungis fara eftir lögum og verði þar að auki að miða við dómahefð...þeir sem geta breytt lögunum eru þingmennirnir, en þar virðast fáir finnast sem þora að taka af skarið.  Svo er of langt til kosninga.  Ekki séns að alþingismennirnir hlusti á kjósendur núna.

[Dísa Dóra, 15.11.2007 kl. 20:55]

Helga Dóra - já vissulega er hann búinn að eyðileggja mun meira en bara æsku þeirra.

Huld - sammála

Alexander - þrátt fyrir að mér finnist refsingarnar fyrir slík brot allt allt of vægar í dag þá er ég nú ekki hlynnt dauðarefsingum heldur.  Erum við þá ekki bara að setja okkur niður á plan ofbeldis með því að ákveða að taka líf annars einstaklings??  

Púkinn - það er nú vísst svo að kenndir sem barnanýð er yfirleitt ekki hægt að klippa á með því að gelda viðkomandi.  Þessar kenndir fæðast í heila viðkomandi og því lítið upp úr því að hafa að gelda þá - því miður.  Það væri mjög einfalt ef hægt væri að "lækna" slíkar kenndir með geldingu.